O próximo venres 20 de setembro terá lugar na Coruña o primeiro dos encontros dos Venres Autónomos, unha iniciativa que se desenvolverá en diferentes localidades galegas e coa que a Consellería de Economía, Emprego e Industria dá continuidade aos encontros celebrados en anos anteriores co obxectivo de xerar sinerxías entre profesionais dunha mesma zona xeográfica.
Os autónomos asistentes poderán presentar a súa actividade, compartir experiencias, coñecementos, ferramentas de traballo e descubrir novas fórmulas que faciliten o desenvolvemento dos seus proxectos.