I FORO APD DE SOSTENIBILIDADE

Vantaxes competitivas e novos retos para as empresas

A Xunta de Galicia, a través do Igape, a Asociación paro o Progreso da Dirección (APD) e o Círculo de Empresarios de Galicia, colaboran no programa Capacita Directivos, co obxectivo de impulsar a calidade directiva como panca para a mellora da competitividade empresarial en Galicia.

No marco desde programa, o martes 19 de xullo, ás 9:00 horas, no Hotel Oca Puerta del Camino, en Santiago, terá lugar o I Foro APD de Sostenibilidade: Vantaxes competitivas e novos retos para as empresas. A sostenibilidade pasou de representar un concepto ligado ao medio ambiente e á emerxencia climática a constituír un novo paradigma moito máis amplo que afecta directamente ás persoas, á sociedade e ás empresas, independentemente do seu tamaño.

O marco regulatorio español e europeo converteu ademais a sostenibilidade nun obxectivo prioritario, especialmente para aquelas compañías que xeran un maior impacto coa súa actividade. Todo isto sumado ao feito de que para as entidades financieiras e inversoras volveuse un imperativo, e que a partir da sostenibilidade están xurdindo

novas oportunidades emodelos de negocio.

En definitiva, a sostenibilidade pasou de afectar de maneira directa e tanxible a todas as empresas, independentemente do seu tamaño e sector, ademais de ter condicionado incluso a súa financiación bancaria e capacidade para atraer inversores.