Programa de mindfulness e compaixón: Aprendendo a parar, regular e conectar
Alégranos comunicarvos que a CEC lanza da man da Universidade de Santiago de Compostela, un programa formativo para a mellora do benestar emocional.
Este programa é unha versión intensiva do programa Mindful Self-Compassion (MSC), que combina as habilidades de mindfulness e autocompaixón para mellorar o benestar emocional. Máis concretamente, está deseñado desde unha aproximación experiencial para axudar ás persoas participantes a intensificar a súa concentración, a xestionar as tensións diarias e a mellorar a súa capacidade de recuperación.
As actividades do programa inclúen charlas curtas, exercicios experienciais, meditacións, discusións en grupo e pautas para a práctica na casa.
Unha oportunidade para explorar a forma na que adoitamos responder ás dificultades do día a día e para aprender ferramentas para facer fronte aos momentos difíciles da vida con amabilidade e coidado.
Duración e datasA duración do programa é de 15 horas, distribuidas en 8 h presenciais e 7 h de realización de actividades na casa.
As datas das sesións presenciais son:
- Sesión 1 | 23 de maio
- Sesión 2 | 1 de xuño
- Sesión 3 | 6 de xuño
- Sesión 4 | 13 de xuño
Prezo
Participar no programa (Des)Conecta, ten un custe de 75 € que inclúe:
- Asistir ás sesións presenciais
- Realización de exercicios prácticos
- Realización de consultas
- Conta de acceso á sección virtual do programa
Podes consultar o programa completo aquí.