PROXECTO COLOGISTICS:

O Proxecto CoLogistics impulsa a colaboración transfronteiriza no ámbito do transporte e a loxística. O obxectivo xeral é a internacionalización a través do impulso da actividade loxística e a potenciación das súas capacidades organizativas e tecnolóxicas. Os socios do proxecto son a Xunta de Galicia, a través de Igape e a Dirección Xeral de Mobilidade, a Administración do Sistema portuario do Norte de Portugal, a  Confederación de Empresarios de Pontevedra, a Autoridade Portuaria de Vigo, a Asociación Empresarial de Portugal, e a Cámara Municipal de Famaliçao.

Presentación Estrutura conxunta de Colaboración Loxística na Eurorrexión

O vindeiro venres, 25 de novembro, celebrarase a Xornada de Presentación da Estrutura conxunta de Colaboración Loxística na Eurorrexión. A cita arrincará ás 12:30 h da mañá, e nela daranse a coñecer as características da nova estrutura conxunta de colaboración impulsada inicialmente polos socios do proxecto Poctep Cologistics para a promoción da función loxística na Euroregión.

No acto presentarase o plan de acción do proxecto e o plan de visibilidade, e contará coa participación de representantes das distintas entidades e socios que colaboran no proxecto, e haberá un breve relatorio por parte da Agrupación industrial dá Función Loxística sobre a Post-Globalización e os novos retos da loxística.

Venres, 25 de novembro, 12:30 h

Edificio de Sesións da Autoridade Portuaria de Vigo – Muelle de Transatlánticos

A Xunta de Galicia colabora co Cluster da Función Loxística de Galicia na II Xornada Galega de Loxística Internacional, que terá lugar o próximo 3 de novembro, ás 16:45 h en A Coruña (Hotel Attica 21. R/ Enrique Mariñas Romero, 34).

O encontro fará revisión, da man de expertos, da situación xeopolítica mundial, afondando no aspecto económico e, por suposto, na loxística e transporte internacional. Ademais, presentaranse as principais conclusións ao respecto da relevancia real da función loxística na economía de Galicia, en termos de emprego, valor engadido e competitividade.

Este evento reunirá a autoridades públicas, empresarios, investigadores e persoal técnico e afondará nos aspectos clave da internacionalización e das tendencias globais que xeran retos e oportunidades comerciais.

II XORNADA DE LOXÍSTICA INTERNACIONAL

A Coruña, 3 de novembro de 2022

XII SEMANA INTERNACIONAL CONTRACT GALICIA

A Xunta de Galicia, a través do Igape,  organiza a XII Semana Internacional Contract Galicia, co obxectivo de achegar as tendencias e oportunidades de negocio internacionais e promover reunións e networking entre as empresas do sector e nomeados prescriptores internacionais, poñendo a Galicia no punto de encontro.

O evento, como ven sendo habitual, contará con duas partes:

• Xornada Inaugural o día 17 de Outubro 2022, ás 9:45 h, no Parador Costa da Morte (Muxía), edificio arquitectónico de gran singularidade e bo exemplo da colaboración industrial e de servizos de empresas e profesionais galegos vinculados ao Canal Contract.
• Xornada de networking e reunións individuais entre empresas e cos prescriptores e relatores participantes, os días 17-18 de Outubro 2022 en Muxía e en Santiago de Compostela respectivamente. 

PROGRAMA E INSCRICIÓNS