AUTOMATIZACIÓN E DIXITALIZACIÓN EN GALICIA NO CONTEXTO COVID-19: MESAS DE DIÁLOGO EN LIÑA

AUTOMATIZACIÓN E DIXITALIZACIÓN EN GALICIA NO CONTEXTO COVID-19: MESAS DE DIÁLOGO EN LIÑA

A Xunta de Galicia e a Universidade de Santiago de Compostela (USC) organizan unha serie de mesas de diálogo para analizar o impacto da automatización e a dixitalización nos diferentes sectores económicos de Galicia, nun contexto no que están a cobrar aínda máis relevancia debido ás consecuencias provocadas pola pandemia da covid-19.

O obxectivo dos cinco encontros programados é que as institucións participantes expoñan a situación destes procesos a día de hoxe no seu ramo de actividade, para contribuír así a un mellor diagnóstico dos seus impactos e poder achegar propostas que axuden a afrontar os retos existentes e emerxentes.

As sesións desenvolveranse na modalidade de webinarios os próximos días 16, 17, 23, 24 e 30 de setembro, ás 16.30 horas. Serán moderadas por representantes do Igape e da USC e durante cada unha poderanse enviar preguntas ao moderador ou moderadora.

Máis información e inscricións

CICLO DE ​​​ENCONTROS INFORMATIVOS SOBRE O PROGRAMA REACCIONA: ABERTA A SEGUNDA CONVOCATORIA

Para dar a coñecer a oferta de diagnósticos e servizos que ofrecen as novas convocatorias do programa ReAcciona, a Xunta pon en marcha un ciclo de encontros informativos en liña. As empresas que desexen coñecer como mellorar a súa competitividade no actual contexto económico poden participar nos webinarios programados para este mes de setembro

En cada encontro darase información sobre os 15 servizos que achega esta liña de axudas e que se engloban en catro ámbitos de actividade nos que as pemes poden introducir melloras.

As convocatorias do Reacciona para 2020 achegan orientación e apoio individualizado sobre as medidas de implantación que se deben adoptar a nivel xeral, na reorganización estratéxica e operativa dos negocios, así como nos proxectos de dixitalización e innovación precisos para manter e impulsar a actividade produtiva. A segunda convocatoria estará aberta ata o 17 de setembro.

Esta liña de axudas conta con cofinanciamento do Fondo Europeo de Desenvolvemento Rexional (FEDER) e está integrada no programa Igape Responde, iniciativa dirixida a ofrecer asesoramento inmediato a autónomos e pemes para reactivar a súa actividade na actual situación económica.

Máis información sobre as convocatorias e os encontros do ReAcciona 
 
900 815 151 informa@igape.es  

GALICIA EXPORTA DIXITAL. LUNS, 29 DE XUÑO: ENCONTRO ON LINE

A Xunta vén de activar a última convocatoria do programa Galicia Exporta Dixital, que ten como obxectivo promover a expansión internacional dos tecidos produtivo e comercial galegos a través de novas canles de comercialización partindo de ferramentas dixitais innovadoras.

Para ofrecer información sobre esta liña de axudas, o vindeiro luns 29 de xuño, ás 12 horas terá lugar un encontro dixital no que Dori López, CEO de Innova Digital Export, afondará tamén nas claves para implementar plans de internacionalización e exporá casos de éxito neste eido. Ademais, Francisco Conde, Conselleiro de Economía, Emprego e Industria, explicará as medidas activadas pola Xunta para apoiar a expansión no exterior das pemes galegas.

Ao final das intervencións os participantes terán a ocasión de intervir nun espazo de debate.

Programa e inscricións

Los gases renovables. Un vector energético emergente. FUNDACION NATURGY.

La introducción masiva de los gases renovables en España podría llegar a reducir más del 10% de las emisiones de gases de efecto invernadero previstas para 2030. Para lograrlo, son necesarias políticas decididas para el uso e implantación de este nuevo vector energético. Estas son algunas de las principales conclusiones del nuevo libro publicado por Fundación Naturgy, “Los gases renovables. Un vector energético emergente”.

Para ver video resumen y webinar completo y descargar libro AQUÍ

ENCONTROS INFORMATIVOS SOBRE O PROGRAMA REACCIONA: ABERTA A NOVA CONVOCATORIA

Para dar a coñecer a oferta de diagnósticos e servizos que ofrece a nova convocatoria do programa ReAcciona, xa activada, a Xunta pon en marcha un ciclo de encontros informativos en liña. O próximo mércores 10, ás 12.30 h, as empresas que desexen coñecer como mellorar a súa competitividade no actual contexto económico poden participar no primeiro dos catro webinarios programados, que se desenvolverán durante este mes de xuño.

En cada un dos encontros darase información sobre os 15 servizos que esta liña de axudas achega e que se engloban en catro ámbitos de actividade nos que as pemes poden abordar introducir as melloras.

Contando con cofinanciamento do Fondo Europeo de Desenvolvemento Rexional (FEDER), e integrada no programa Igape Responde -iniciativa dirixida a ofrecer asesoramento inmediato a autónomos e pemes para reactivar a súa actividade na actual situación económica-, as novas convocatorias do ReAcciona achegarán orientación e apoio individualizado sobre as medidas de implantación que se deben adoptar a nivel xeral, na reorganización estratéxica e operativa dos negocios, así como no que se refire a proxectos de dixitalización e innovación para manter e impulsar a actividade produtiva. A primeira convocatoria estará aberta ata o 2 de xullo.

Programa e inscricións
Máis información sobre a nova convocatoria

900 815 151   informa@igape.es